[X]

Utilizamos cookies propias y de terceros para mejorar su experiencia de usuario y ofrecerle los mejores servicios.
Si continua navegando, consideramos que acepta su uso. Puede cambiar la configuración u obtener más información en nuestra Política de Cookies.


Somos Siero denuncia’l retrasu na convocatoria de les ayudes a cooperación y a la tercer edá

A estes altures d’añu la Conceyalía de Bienestar Social, Igualdá, Consumu y Salú tienles tovía ensin convocar

Publicado el 26/10/2018

Cada añu’l Conceyu Siero convoca una partida d’ayuda a la cooperación internacional y  apoyu  al  desarrollu.  Gracies  a  ella  diverses  ong  puen  llevar  a  cabo  proyectos  de collaboración nel tercer mundiu, qu’otros años incluyeron infraestructura sanitaria, equipamientu  escolar,  desarrollu  agrícola,  etc.  y  que  lleguen  a  población especialmente sensible. Les ong que soliciten estes ayudes son mui variaes y lo que-yos concede Siero suel ser una parte del total del proyectu, pero convién-yos saber con qué cantides cunten pa poder entamalu.

Cuando yá tenemos avanzáu’l caberu trimestre del añu la convocatoria tovía nun se fixo. Ello supón gran esmolición ente les asociaciones, porque yá n’años anteriores hebo qu’entainar pa poder llegar a tiempu nos plazos y que nun se perdiera la partida asignada. Nel Conseyu de Solidaridá preguntóse yá hai meses y tamién va poco pola convocatoria  ensin  recibir  más  contestación  de  la  conceyala  que  tovía  nun  se procediere a la convocatoria. La preocupación ye grande cuntando tamién con que Siero ye l’únicu Conceyu asturianu con una partida nesti campu que nun fixo tovía’l trámite.

Otro  tanto  asocede  coles  ayudes  a  les  asociaciones  de  persones  mayores.  Ello enguedeya’l desarrollu de les actividaes, porque les asociaciones a esta altura del añu nun saben de qué ayuda disponen y va complicáse-yos por demás presentar factures del añu vixente.

Somos Siero nun acierta a dar otra razón pa estos retrasos tan grandes más que la incompentencia política. Talmente paez que l’equipu de gobiernu nun tien interés en qu’estes  partíes  presupuestaries  salgan  alantre,  más  si  se  tien  en  cunta  que  los presupuestos  lleven  aprobaos  dende  xineru.  Poro,  esiximos  una  rectificación  de  la política que se lleva a cabo con estes subvenciones xestionaes dende la Conceyalía de Bienestar Social y que se tramiten de manera inmediata.